Të paktën 45 pasagjerë të një autobusi, mes tyre shtatë fëmijë, kanë humbur jetën dhe 25 kanë mbetur të plagosur dje në një vend malor në shtetin indian të Telangana, bën të ditur e përditshmja indiane The Hindu.
Në autobus udhëtonin një grup pelegrinësh të cilët ktheheshin në fshatin e tyre, pas pelegrinazhit në tempullin Anjaneya Swamy, një vend fetar hindu shumë i frekuentuar, rreth 190 km nga qyteti i Hyderabad.
Mjeti pësoi aksident pasi humbi kontrollin duke dalë nga rruga dhe duke rënë pas një kthese në një humnerë.