Ministri britanik i Financave, George Osborne, përdori sot lidhjet e forta ekonomike me Gjermaninë për të bërë një kërkesë për ndryshime drastike mbi anëtarësinë e Britanisë së Madhe në BE. “Ne duam që Britania e Madhe të qëndrojë në një Bashkim Evropian të reformuar”, tha ministri i Financave para një grupi prej rreth 1 200 idustrialësh gjermanë gjatë një eventi në Berlin.
“Por duhet të jetë një Bashkim Evropian që punon më mirë për të gjithë qytetarët e Evropës, dhe për britanikët gjithashtu”, tha ai. Kryeministri David Cameron premtoi të rinegocionte termat e anëtarësisë së Britanisë së Madhe në Bashkimin Evropian para mbajtjes së një referendumi mbi BE-në në fund të vitit 2017, dhe Gjermania ka një rol kryesor në këto negociata si ekonomia më e madhe e BE-së.
