Është rikthyer sërish kaosi në qytetin Kale të Francës, ku qindra emigrantë kanë tentuar të hipin forcërisht në kamionët që kalojnë eurotunelin, me qëllim arritjen në Britaninë e Madhe. Sic duket qartë kjo është përpjekja e dëshpëruar e qindra njerëzve që kanë ikur nga lufta dhe mjerimi i vendeve të tyre. Një zëdhënës i Eurotunel tha se rreth 200 emigrantë u përpoqen të kalojnë tunelin gjatë natës, duke u përleshur me forcat policore franceze, gjë e cila ka çuar edhe në pezullimin e shërmbimeve hekurudhore. Sipas tij, përpjekja e tyre ishte e koordinuar dhe shumë e organizuar.
Pas këtij kaosi shërbimet e Eurotunel për udhëtarë dhe mallra u pezulluan. Ky është incidentni i radhës i shënuar në Kale, ku mijëra emigrantë kanë ngritur kampet e tyre rreth portit te qyteti me shpresën për të aritur në Britani. Qyteti Kale është një nga pikat e nxehta të përfshira nga kriza e klandestinëve, ku përpos kaosit të krijuar edhe ambienti perreth kampeve duket një xhungël me ligjet e saj. Franca dhe Britania janë zotuar se do të rrisin sigurinë e tunelit pas tensioneve të shkaktuara mes dy shtetve gjatë muajve të verës.
