Një helikopter me gjashtë persona në bord është rrëzuar në East River në New York, pranë Rosvelt Island.
Asnjë nga pasagjerët nuk ka mundur të shpëtojë pavarësisht ndihmës së forcave zjarrfikëse dhe policisë. Helikopteri është rrëzuar rreth orës 19 (ora lokale), rreth mesnatës me orën tonë.
Disa dëshmitarë okularë që kanë postuar foto dhe video, kanë thënë se kanë parë një helikopter të përplaset me shpejtësi drejt ujit, pas flakëve që kishte marrë në pjesën e pasme të tij. E menjëhershme ka qenë ndërhyrja e policisë dhe e forcave të ndihmës së shpejtë, por nga aksidenti ka arritur të shpëtojë vetëm piloti.
Mjeti ishte një Eurocopter AS350, një helikopter me një motor të lehtë që mund të transportojë deri në 6 persona. Nuk dihen akoma shkaqet e aksidentit, të ndodhur në lartësinë e Gracie Mansion, një rezidencë zyrtare e bashkiakut në Grande Mela. Hetimet do të bëhen nga National Transportation Safery Board.