Uragani Michael, që goditi dy ditët e fundit brigjet juglindore të Shteteve të Bashkuara la pas pasoja shkatërrimtare për shtetin e Floridas.
Bilanci i viktimave ka arritur në 7, mes tyre edhe kjo 11-vjeçare.
Nga përllogaritjet paraprake, dëmet vetëm në Florida e Georgia arrijnë në 3.7 miliardë dollarë. Në këto dy vende, fuqia shkatërruese e uraganit ishte më e madhe e ku erërat arritën një shpejtësi deri 250 km/orë. Nga dëmtimet e linjave të energjisë elektrike kanë mbetur pa energji më shumë se 1.2 milionë shtëpi e biznese.
Majkëll ishte një prej shumë uraganeve që kanë goditur muajt e fundit Shtetet e Bashkuara, ku fuqia shkatërrimtare sa vjen e bëhet më e madhe.
Shkencëtarët e lidhin këtë me ngrohjen globale. Rritja e temperaturave të ujërave detare, sipas tyre ushqen fuqinë e erërave. Kjo është edhe arsyeja pse fenomenet e shkaktuara nga moti i keq po shkaktojnë shumë viktima në mbarë botën
