Danimarka rihap trafikun hekurudhor me Gjermaninë

431
Danimarka ka lejuar lëvizjen e trenave drejt Gjermanisë, pas bllokimit të një dite më parë që la dhjetra emigrantë në pritje në stacionin hekurudhor në qytetin kufitar të Flensburgut.
Klandestinët, kryesisht sirianë, thanë se nuk donin të qendronin në Danimarkë por të vazhdonin rrugën për në Suedi, Norvegji apo Finlandë.
Pjesa më e madhe e tyre synojnë Suedinë, ku trajtimi shtetëror për refugjatët është më i miri në Europë pas Gjermanisë, ndërsa qeveria daneze njoftoi ditë më parë se ka shkurtuar fondet për azilkërkuesit.
Përmes një njoftimi të publikuar në 10 gjuhët e botës dhe të shpërndarë për gazetat në Liban, Ministrja e emigracionit u kërkonte klandestinëve të mos vinin në Danimarkë.
Ndërkohë në ndihmë të klandestinëve të bllokuar në stacion mbërritën dhjetra vullnetarë, të cilët u ofruan ti transportonin me makina për në Suedi.
Sigal