Daçiç: Shqipëria të mos kujdeset për Kosovën, dialogu në Bruksel

447
Sigal

Ivica Daçiç, zëvendëskryeministri serb, vendi I të cilit ka radhën për të drejtuar OSBE-në, ka kërkuar sot që Shqipëria të respektojë parimet dhe të mos shqetësohet për dialogun Beograd-Prishtinë, i cili mbahet në Bruksel.
 
Serbia si  udhëheqëse e radhës e OSBE-së po shfrytëzohet në maksimum nga qeveria në Beograd për të çuar para agjendat e saj qeveritare. 
 
Delegacioni nga Shqipëria e ka pyetur Daçiç në Asamblenë Parlamentare të OSBE-së nëse Serbia do e pranojë Kosovën si anëtare të kësaj organizate, e ndërsa përgjigjja e kryediplomatit serb ka thënë se vendi i tij e respekton parimin e integritetit territorial dhe se nuk mundet të kujdesët më pak për integritetin e Serbisë se sa atë të Ukrainës.
 
Ai ka shtuar se duhet ndarë çështjen e normalizimit të marrëdhënieve në mes të Beogradit dhe Prishtinës pasi kjo ka të bëjë me jetën e përditshme të qytetarëve të Kosovës, nga çështje që kanë të bëjnë me statusin.