Donald Trump dhe Benjamin Netanyahu zhvilluan dje një bisedë telefonike, disa ditë para vizitës në Izrael të presidentit amerikan, njoftoi një zëdhënës i kryeministrit izraelit.
Kjo vizitë po merr një kthesë gjithnjë e më delikate rreth një polemike mbi statusin diplomatik të Jeruzalemit, dhe prej së martës, ka të dhëna sipas së cilave Trump i kishte komunikuar zyrtarëve rus informacione të klasifikuara që SHBA-së i janë ofruar nga ana e Izraelit.
‘’Trump dhe Netanyahu biseduan për gati 20 minuta dhe tema e vetme e diskutimit lidhet me vizitën e ardhshme’’, tha zëdhënësi.
Presidenti amerikan pritet të zhvillojë të hënën një vizitë zyrtare në Jeruzalem, ku është parashikuar në axhendë të udhëtojë të nesërmen drejt Cisjordanisë, territor i pushtuar palestinez.
