Një avion i vogël është rrëzuar pak sekonda pas ngritjes në ajër duke u përplasur në tokë.
Në çastin e përplasjes mjeti shpërtheu në flakë duke i kushtuar jetën pilotit. Incidenti i rëndë ndodhi në “Fullerton Airport Komunal” në Kaliforni të Jugut dhe pamjet janë shpërndarë në rrjet.
Në video tregohet çasti kur Robert Ellis, 48 vjeç, humbi kontrollin e “Beechcraft B60 Duke” kur u përpoq të ngrihej nga pista e aeroportit.
Pasi ngrihet në ajër, avioni nuk fluturon as 10 metra para se të rrëzohej pingul duke shpërthyer në flakë. Administrata Federale e Aviacionit po heton aktualisht incidentin dhe ende nuk ka raportuar për shkaqet e tij.
