Të paktën gjashtë persona kanë humbur jetën sot në Turqi pasi autobusi me të cilin po udhëtonin u përplas me këmbën e një ure në autostradë.
Sipas të përditshmes turke “Sabah”, autobusi që udhëtonte nga qyteti i Eskisehirit për në kryeqytetin Ankara u përplas me kolonat e një ure-mbikalimi në autostradë mëngjesin e së enjtes.
Lajmi u konfirmua edhe nga Ministri turk i Punëve të Brendshme, Suleyman Soylu, i cili tha se 36 persona ishin plagosur në aksidentin e rëndë.
Ministri tha se disa prej tyre janë ende në operacione, por shpresat janë që numri i viktimave të mos përkeqësohet.
Ministri vuri theksin edhe një herë tek vendosja e rripit të sigurimit, pasi sipas tij, pasagjerët që kishin vënë rripin e sigurimit në aksidentin e sotëm ishin dëmtuar lehtë.
Policia nuk ka dhënë ende detaje mbi shkakun e aksidentit të rëndë që u mori jetën 6 personave
