Në Arabinë Saudite gratë me ligj nuk lejoheshin të ngisnin makinat. Por mbreti Salman ka nxjerrë një dekret, përmes të cilit tashmë edhe femrat mund të drejtojnë makinën. Një aktiviste e quajti këtë një fitore të madhe.
Arabia Saudite ishte vendi i vetëm në botë që nuk lejonte femrat të ngisnin makinën. Grupet për të drejtat e njeriut janë përpjekur prej vitesh, që femrat të lejohen të ngasin makinën në mbretërinë konservatore, ndërsa disa femra janë burgosur pasi kanë shkelur rregullin.
Ky vendim u përshëndet edhe nga Departamenti Amerikan i Shtetit, si një hap në drejtimin e duhur.