Turqia ruan të drejtën të reagojë kundër Njësive Kurde të Mbrojtjes së Popullit (YPG), milici siriane, nëse ky grup sulmon territorin turk, pavarësisht marrëveshjes SHBA-Rusi që pritet të aplikohet këtë javë, sipas një përfaqësuesi të qeverisë.
“Turqia ka të drejtën të mbrojë territorin e saj”, deklaroi Numan Kurtulmus, zëvendëskryeministri turk, para medias. Ai shtoi gjithashtu se “qeveria është në favor të marrëveshjes së armëpushimit, por shqetësohet për mundësinë e sulmeve ajrore ruse ndaj rebelëve”.
Njësitë YPG kanë mohuar çdo sulm me raketë kundër territorit turk dhe kanë thënë se Turqia ka goditur pozicionet e tyre fuqishëm këtë javë. Deri tani Ankaraja nuk ka paraqitur prova të sulmeve kufitare të YPG-së.
