Alarmi/ Nëndetësja argjentinase 48 orë e zhdukur, NASA nis…

765
Një operacion ndërkombëtar kërkimi ku është përfshirë edhe Nasa ka nisur në oqeanin Atlantik për një nëndetëse argjentinase, e cila rezulton e zhdukur prej 48 orësh.
Brenda nëndetëses se zhdukur ndodhet një ekip prej 44 personash raportojnë mediat ndërkombëtare duke iu referuar autoriteteve zyrtare ne Argjentine.
Presidenti i këtij vendit Maurico Macri deklaroi se të gjithë burimet kombëtare dhe ato ndërkombëtare janë po shfrytëzohen për gjetjen sa me shpejt të nëndetëses, San Juan.
Kërkimeve i është bashkuar edhe një avion i Nasa-s ndërsa kanë ofruar ndihmë edhe vende si Britania e Madhe, por deri me tani nuk është zbuluar asnjë gjurmë e saj.
“Nuk kemi arritur te zbulojmë asgjë apo që të kemi komunikim përmes radarëve” deklaroi zëdhënësi i flotës argjentinase, Enrikue Balbi. Nëndetësja ndodhej rreth 400 kilometra larg brigjeve të Patagonisë”, njoftoi marina argjentinase.
Besohet se ‘ARA San Juan’, një nëndetëse e ndërtuar në Gjermani, të ketë pësuar një defekt elektrik, raporton “BBC”. Zëdhënësi i marinës Enrique Balbi i tha se nëndetësja ishte duke u nisur nga baza detare e Ushuaisë në bazën e Mar del Plata, stacioni i saj i zakonshëm, kur “ndërpreu papritur komunikimin”. Balbi tha se nëndetësja kishte furnizime ushqimore për disa ditë dhe ndoshta po vazhdonte udhëtimin e planifikuar.
Sigal