Akuza për terrorizëm, 4 shtete ndërpresin marrëdheniet me Katarin

54
Arabia Saudite, Egjipti, Bahreini dhe Emiratet e Bashkuara Arabe kanë ndërprerë lidhjet diplomatike me Katarin, duke e akuzuar atë për destabilizimin e rajonit.

Ata thonë se Katari mbështet grupe terroriste duke përfshirë Vëllazërinë Myslimane.

Agjencia shtetërore e lajmeve Saudite SPA tha se Rijadi kishte mbyllur kufijtë e saj, duke shkëputur lidhjet me Katarin nga toka, deti dhe ajri dhe duke e izoluar atë në masë të madhe.

Agjencia e Lajmeve duke cituar zyrtaret e lartë shkruan se kjo u bë për të mbrojtur sigurinë e saj kombëtare nga rreziqet e terrorizmit dhe ekstremizmit.

Masa e pashembullt është parë si ndarja më serioze midis vendeve të fuqishme të Gjirit, të cilët janë gjithashtu aleatë të ngushtë të SHBA.