Afganistan/ Shpërthim dhe të shtëna me armë zjarri në qendër të Kabulit

128

Një shpërthim dhe të shtëna me armë zjarri janë dëgjuar në qendër të kryeqytetit të Afganistanit, Kabul, përkatësisht afër Ministrisë së Informimit. Shpërthimi ka ndodhur rreth orës 11:40 me kohë lokale, deklaruan autoritetet.

Një burim nga ministria, tha për BBC-në, se kanë se në skenë të sulmit kanë qenë tre sulmues, një nga të cilët ka arritur të futet brenda ndërtesës. Asnjë grup ende nuk e ka marrë përgjegjësinë për sulmin, por kjo ngjarje ndodhi menjëherë pas bisedimeve në mes të qeverisë dhe talibanëve, përcjell Rel.

Sulmi ndodhi në zonën ku ka më së shumti qarkullim në qytet. Hoteli Serena, që gjendet në atë zonë, ende vizitohet nga shumë turistë të huaj. Qindra civilë ishin parë duke u evakuuar nga ndërtesat përreth.