Lideri i talebanëve në Afganistan Mullah Mohammed Omar ka vdekur. Lajmin e bënë të ditur zyrtarët afganë, por grupi militant ende nuk është shprehur mbi këtë fakt. Lideri Omar dyshohet të ketë vdekur tre vjet më parë, – thanë për BBC burime të qeverisë afgane dhe shërbimet e inteligjencës, pa dhënë detaje të tjera.
Një zëdhënës i talebanëve i kontaktuar nga BBC, tha se grupi do të dalë shumë shpejt me një deklaratë. Raportimet për vdekjen e Mullah Omarit kanë qenë të shumta edhe në të shkuarën. Por kjo është hera e parë që konfirmohet nga vetë qeveria afgane.
Mullah Omar udhëhoqi talebanët në fitoren mbi milicitë rivale afgane në luftën civile që pasoi tërheqjen e trupave sovjetike.
Aleanca e tij me liderin e Al-Kaedës Osama Bin Lande solli sulmin e Shteteve të Bashkuara të Amerikës në Afganistan në vitin 2001, pas sulmeve kamikaze të 9 dhe 11 shtatorit në New York dhe Washington.
