Një adoleshente ka humbur jetën në një fluturim ajror ku po udhëtonte së bashku me prindërit e saj në aeroplanin e “British Airways” në Nice të Francës.
15-vjeçarja Natasha Ednan – Laperouse humbi jetën pasi konsumoi një sanduiç, dyshohet se vajza ka qenë alergjike ndaj susamit.
Vajza besohet se pësoi një reaksion nga farat e susamit të bukës, para se të humbiste jetën.
Policia ka nisur një hetim për këtë ngjarje dhe pritet të përcaktohet nëse ushqimi i shërbyer në avion ishte etiketuar siç duhet. Autoritetet do të hetojnë gjithashtu nëse stafi i “British Airways” i dha ndihmën e parë.
Prindërit e 15-vjeçares janë shkatërruar nga humbja e vajzës së tyre. “Si adoleshente që ishte, Natasha ka qenë shumë e hapur me ne, na tregonte për ndonjë problem që mund të kishte dhe kërkonte këshilla. Si një familje prej 4 anëtarësh, kishim marrëdhënie shumë të ngushtë”, thanë ata.
