Fakulteti i Mjekësisë, ja 380 kandidatët fitues, sipas specialiteteve

Fakulteti i Mjekësisë zbardhi dje listën përfundimtare të kandidatëve të specializantëve sipas specialiteteve. “Komisioni i vlerësimit, pas verifikimit të animimeve, të cilat u depozituan brenda afatit zyrtar, më datë 12.01.2015, bëri saktësimet përkatëse dhe përpiloi listat përfundimtare të renditjes së specializantëve sipas programit specializues përkatës. Bazuar në rregulloren e specializimeve, kandidatët u futën në sallë për të bërë përzgjedhjen përkatëse në grupe prej 5 vetësh dhe bënë përzgjedhjen e tyre duke filluar nga kandidatët me pikët më të larta. Kandidatët përzgjodhën një nga 3 preferencat e shprehura në formularin e aplikimit dhe nuk kanë të drejtë ta ndërrojnë atë. Kandidatët nuk mund të ndryshojnë përzgjedhjen e tipologjisë së kuotës (e lirë, e mbuluar, nga ministritë e tjera MM, MD, MB, trojet). Kandidatët që nuk kanë shprehur tipologjinë e kuotës për një program të caktuar specializues, s’kualifikohen për programin përkatës specializues” thuhet në njoftimin e Fakultetit të Mjekësisë. Gjithashtu, edhe kandidatët që kishin depozituar ankesë pranë komisionit të vlerësimit kanë marrë dje përgjigjen e ankesës së shqyrtuar. Gjithsej, kanë aplikuar 732 specializantë, por, numri i fituesve është rreth 380. Gazeta “Telegraf” po zbardh renditjen e 732 kandidatëve, sipas pikëve totale.