Ka zyrtarë në Mirditë që pozicioni i punës së tij që ka, mendon se gëzon privilegje të pa merituara edhe ndaj mjekëve, që këta të fundit ndjehen të zënë ngushtë dhe të paaftë për të kundërshtuar kërkesën e zyrtarit. Që atë ditë kur në gjykatën e Qarkut Lezhë, e para gjykatë në vend, që në të gjitha sallat e seancave gjyqësore janë të pajisur me aparatura dixhitale audio, ku çdo gjë që thuhet dhe flitet regjistrohet, ka bërë që nga disa gjyqtarë kanë ankesa për tentativa për t’iu shmangur seancave gjyqësore duke përdorur çdo lloj forme e justifikimi. Ka kohë që ky lloj pushtetari është vënë re për tentativat e tij për t’iu shmangur seancave gjyqësore duke përdorur lloj- lloj gënjeshtrash, mashtrimesh dhe aventurash që nuk i kanë hije një zyrtari normal, për t’iu shmangur gjykimit të drejtësisë me përdorimin në maksimumin e mundshëm të çdo burimi banal e çdo mundësie tjetër duke përfituar nga faji i Prokurorisë së Lezhës për t’u gjykuar nga pozicioni i nënprefektit, dhe ka përfituar deri më tani, po nuk do të mund ta realizoje qëllimin e tij. “Vetëm unë do mundë ta vonoj fjalën e fundit të drejtësisë”, thotë gazetari mirditor, i dhunuar prej tij. Janë thirrur 7 seanca ku 50% prej tyre janë anuluar nga gjyqtari Ilir Përdeda për mungesë të paraqitjes së të pandehurit Gjon Pjetri, i cili përpilonte justifikime të turpshme. Por veprimet e tij ishin tërësisht të kuptueshme, pasi shmangja e tij ka qenë vetëm në ato seance kur ka ndërruar të gjitha kushtet e sallave të gjyqit që janë kthyer me monitorim të çdo gjëje që flitet e thuhet në sallë, duke e detyruar që të marrë veprime të pa logjikshme që për hir të anës personale ka arritur t’i ktheje në robotë duke i përdorur si justifikim të ligjshëm raportet e dhëna nga disa mjekë që disa herë e kanë pajisur me raport mjekësore duke detyruar gjyqtarin që të shtyje seancat, dhe mjaft të thuhet që seanca e parë e këtij gjyqi ka filluar me 10 janar të 2012. Për të kuptuar tejzgjatjen e pa nevojshme. Kjo dukuri bëhet nga pala e paditur që e detyron gjyqtarin të komunikojë e të bindë palën tjetër për shtyrjen e seancës për një datë tjetër, e kjo ndodh me ata zyrtarë që Prokuroria e Qarkut Lezhë gjatë hetimit ndaj këtij zyrtari, nuk ka zbatuar udhëzimin numër 1, ku thuhet se: “datë 17 04 2003 të Prokurorit të Përgjithshëm, që e detyron Prokurorinë t’i kërkojë nomenklaturës ku varet pezullimin e tij, dhe ne qoftë se ky pezullim nuk pranohet, Prokurori njofton drejtorinë përkatëse të Prokurorisë të Përgjithshme dhe zbaton nenet 232/1/ac, 233 dhe 236 të Kodit Penal, duke marrë vetë masa shtrënguese, për t’i sjellë palët në mënyrë të barabartë”. I akuzuari Gjon Pjetri, ende nënprefekt i Mirditës që është nën gjykim në shkallën e parë të rrethit Lezhë për dhunë të ushtruar ndaj një gazetari në zyrën e tij në Mirditë, duke përfituar nga funksioni që mban ende, atë të nënprefektit vazhdon të bëjë tentativa për t’ju shmangur gjykimit duke vënë në pozitë të vështirë disa mjekë të Mirditës. Burime të sigurta thonë se gjyqtari në fletë thirrjen e datës 18 për të pandehurin Gjon Pjetri, ku në të ka cilësuar se: “seanca do të zhvillohet dhe në mungesë”, çka tregon iritim të vetë gjyqtarit të çështjes për zgjatjen e seancave. I pyetur gazetari i dhunuar se përse ndodhin këto shmangie nga seancat, ai u përgjigj:“Kjo nuk ka nevojë për koment. Ka tre vjet e gjysmë, thotë gazetari që për fajin e Prokurorisë së Rrethit Gjyqësor Lezhë që nuk zbatojnë urdhrin e Prokurorit të Përgjithshëm për pezullimin e tij nga detyra” .
