Gjatë kontrolleve në afërsi të shkollave, policia e Durrësit pasi ka zbuluar te një nxënës një pistoletë imituese dhe mënjëhërë ka nisur procedimin në gjendje të lirë për një 13-vjeçar
Ngjarja ka ndodhur në Shijak.
Ja njoftimi i plotë i policisë:
Durrës
Policia, plan masash për rritjen e parametrave të sigurisë në ambientet e shkollave.
Kontrolle në ambientet përreth shkollave dhe në ambientet e brendshme.
Kontrollet në bashkëpunim me drejtoritë e shkollave, qeveritë e nxënësve dhe bordin e prindërve.
Gjatë kontrolleve në Shijak, specialistët për Hetimin e Krimeve proceduan në gjendje të lirë një 13 vjeçar nxënës i një shkolle 9-vjeçare, pasi iu gjet një armë zjarri pistoletë imituese.
Policia në bashkëpunim me stafet pedagogjike, qeveritë e nxënësve dhe bordin e prindërve do vijojë të ushtrojë kontrolle përreth shkollave dhe brenda tyre në orare të përshtatshme, me qëllimin e vetëm, rritjen e parametrave të sigurisë në shkolla për zhvillimin e një procesi mësimor sa më të sigurt.
