Gjatë gërmimeve në qytetin antik Aspendos, në nënprefekturën Serik të Antalias në Turqi, janë zbuluar ndërtesa të vjetra 2.000 vjeçare, të cilat janë përdorur si dyqane apo depo.
Qyteti i lashtë i Aspendos, teatri dhe ndërtesat e tjera të të cilit tërheqin një numër të madh turistësh, çdo ditë iu ofron studiuesve surpriza të reja.
Hulumtimet sipërfaqësore kanë filluar në vitin 2008, kurse me vendimin e vitit 2014 të Këshillit të Ministrave të Turqisë filluan gërmimet, të cilat kanë vazhduar deri më sot nën mbikëqyrjen e profesorit Veli Kose, lektor në Fakultetin e Arkeologjisë pranë Universitetit Hacettepe.
Kose ka thënë se gërmimet e këtij viti u përqendruan në një zonë, e cila supozohet të ketë qenë një kompleks tregtar.