Vjedhje, armë dhe kontrabandë, arrestohen tre persona në Lezhë

81

Policia e Lezhës ka vënë në pranga tre persona, ndërkohë që është sekuestruar mall kontrabandë, armë zjarri dhe sende të vjedhura.

Njoftimi i policisë:

Nga Specialistët e Seksionit të Hetimit të Krimit Ekonomik e Financiar në Drejtorinë Vendore të Policisë Lezhë, u bë kapja dhe arrestimi në flagrancë i shtetasit:

B.M., 40 vjeç, banues në Kukës, pasi gjatë kontrollit të ushtruar tek unaza e qytetit Rubik, Mirditë në automjetin tip “Benz”, të cilin ky shtetas drejtonte, iu gjetën dhe sekuestruan në cilësinë e provës materiale, 10 thasë me kafe kokërr, me peshë totale 600 kg kontrabandë, pa dokumentacion shoqërues.

Materialet i kaluan Prokurorisë Pranë Gjykatës së Shkallës Parë Lezhë,për veprat penale: “Kontrabanda me mallra që paguhet akcizë” ,”Fshehja e të ardhurave” dhe “Manipulimi i tregut” parashikuar nga nenet 172,180 dhe 143/a/1 të Kodit Penal.
-Specialistët për Hetimin e Krimit në Komisariatin e Kurbinit, pas një informacioni të marrë nga qytetarët për një person i cili posedonte armë zjarri ,kanë organizuar menjëherë punën, ku si rezultat arrestuan në flagrancë shtetasin N.N.,50 vjeç, banues në Kurbin

Gjatë kontrollit të ushtruar në banesën e tij në fshatin Shullaz, Kurbin, Policia gjeti dhe sekuestroi në cilësinë e provës materiale një armë zjarri tip “Pushkë”.

Materialet iu referuan Prokurorisë Pranë Gjykatës Shkallës Parë Kurbin për veprën penale “Prodhimi dhe mbajtja pa leje e armëve luftarake dhe municionit”, parashikuar nga neni 278/3 i Kodit Penal

– Gjithashtu Specialistët e Hetimit të Krimit në Komisariatin e Lezhës, bënë arrestimin në flagrancë te shtetasit:

M.L.,38 vjeç, banues në Kosovë

Arrestimi i tij u bë pasi ky shtetas kishte vjedhur në banesën e marrë për pushime , të shtetasit M.F.,Shengjin

Gjatë kontrollit fizik të tij dhe të mjetit që drejtonte, Policia gjeti dhe sekuestroi në cilësinë e provës materiale një televizor “Plazma” dhe sende të tjera.

Materialet iu kaluan Prokurorisë së Rrethit Gjyqësor Lezhë për veprime të mëtejshme për veprën penale “Vjedhja”