(VIDEO) Vajzës i humbi portofoli, pasagjeri dhunon me grushte shoferin e urbanit në Tiranë

167

Një ngjarje e paprecedentë mësohet se ka ndodhur në një nga linjat e urbanit në Tiranë.

Siç shikohet edhe nga pamjet filmike, një pasagjer ka dhunuar me grushte drejtuesin e urbanit.

Ngjarja ka ndodhur në linjën Kinostudio-Kombinat.

Shkak për këtë ngjarje është bërë fillimisht konstatimi nga një pasagjere e humbjes së portofolit.

Kjo e fundit ka njoftuar fatorinon dhe shoferin

Drejtuesi i mjetit ka mbyllur dyert e autobusit duke pritur policinë.

Kjo situatë ka irrituar udhëtarët e tjerë, të cilët kanë kërkuar hapjen e dyerve.

Ky debat ka zgjatur për disa minuta, deri në agravimin e situatës, ku siç shikohet edhe nga pamjet filmike një nga udhëtarët ka sulmuar me grushte shoferin e autobusit.

Policia ka mbërritur në vendngjarje dhe ka bërë shoqërimin në polici të personit që dhunoi drejtuesin e mjetit si edhe vajzën që pretendon se i ka humbur portofoli.

© SYR