Banorët e Valbonës, por jo vetëm, vazhdojnë të kundërshtojnë ndërtimin e HEC-eve. Ditën e nesërme është parashikuar një protestë e banorëve për të shprehur edhe një herë mendimin e tyre kundra këtyre ndërtimeve.
Protesta pritet të fillojë në orën 13:00 në Tropojë e më pas do të vazhdojë në Valbonë deri të shtunën pasdite.
Organizuesit e protestës njoftojnë se në protestë mund të bashkohen edhe protestues nga Tirana (gjithcka e paguar), ndërsa nisja është nesër në orën 6:30 tek kafe Flora.
