Katër persona që morën pjesë të hënën në protestë në Verri kanë rënë në pranga, ndërsa akuzohen se kundërshtuan punonjësit e policisë. Burime zyrtare nga policia e Fierit njoftojnë se kapën shtetasit; Aleksandër Bita, 52 vjeç, Eridjon Janji, 32 vjeç, Bledjon Bita, 43 vjeç, Zylyftar Delibashi, 67 vjeç. Sipas njoftimit të policisë arrestimi i tyre është bërë pasi: “Në datën 22.01.2017, në orën 14:00, në kufirin ndarës midis fshatrave Vërri dhe Kallm i Madh, kanë marrë pjesë në një protestë të paligjshme, kanë kundërshtuar punonjësit e policisë së rendit publik dhe kanë penguar qarkullimin e mjeteve të transportit”. Materialet i kaluan Prokurorisë pranë Gjykatës së Shkallës së Parë Fier për veprat penale “Kundërshtimi i punonjësit të policisë së rendit publik”, “Organizimi dhe pjesëmarrja në grumbullime dhe manifestime të paligjshme” dhe “Pengimi i qarkullimit të mjeteve të transportit” të kryera në bashkëpunim, parashikuar nga Nenet 236, 262, 293 e 25 të Kodit Penal.
Ballina Aktualitet U përplasën me policinë, arrestohen katër protestues kundër impiantit të plehrave në...