I gjithë trafiku, për shumëkënd që kalon në rrugën nacionale në Vlorë nga qendra e qytetit e deri në Skelë e ka një përgjigje: Projekti fillestar është ndryshuar, por askush nuk di të thotë arsyen përse. Ky aks ka qenë gjithnjë problematik për banorët e zonës, e sidomos në periudhat e verës ku fluksi i vizitorëve pothuajse trefishohet. Fillimisht qytetarët e Vlorës u gëzuan për këtë projekt, por sot të paktë janë ata që i kanë ndjerë përfitimet. Por cili është rrugëtimi i nisjes së një projekti gjigand dhe mbërritjes deri në këtë pikë ku shumë udhëtarë presin mesatarisht 2 orë në trafik?
Kohë më parë ka qenë vetë kryeministri Edi Rama, si deputet i kësaj zone, që e shpalli me bujë projektin gjigand dhe që sipas tij, pas përfundimit do t’i jepte tjetër frymëmarrje qytetit bregdetar. Shpalljen e konkursit ndërkombëtar për projektin e zhvilloi Ministria e Zhvillimit Urban dhe Turizmit dhe nga 25 oferta u përzgjodh ajo e studios belge “XDGA”. Në planet e prezantimit të projektit dukej qartë ndarja e rrugës në dy akse me nga dy korsi në secila anë, e po ashtu edhe një korsi për biçikletat. Këtë nuk ngurron ta pohojë as Bashkia e Vlorës.
Projekti fillestar
Ja se çfarë shkruhet në faqen e saj në datën 19 gusht 2015-të: “Kjo, do të plotësohet me hapësirë të konsiderueshme parkimesh, një nga elementet e dukshme të këtij projekti. E shprehur më qartësisht, në pjesën e majtë të shëtitores Skelë-Uji i Ftohtë, do të ndërtohen hapësirat e parkimeve, ndërkohë që në pjesën e djathtë janë parashikuar pedonalja dhe korsia e biçikletave. Projekti parashikonte dy korsi automjetesh, me kahe të ndërsjellët, të ndara me një hapësirë të gjelbër, çka është konsideruar e mjaftueshme nga projektuesit për fluksin e lëvizjes me makina. Por sot çdokush mund të bëjë dallimin me sy të lirë. Jo vetëm që gjelbërimi në mes të akseve nuk shihet në asnjë vend, por rruga sa i përket ngarkesës me trafik është më keq se përpara se të bëhej Lungomare”.
Me anë të këtij vendimi, Këshilli Kombëtar i Territorit miratoi projektin belg dhe zbatimin nga studioja fituese. Zbatimin dhe mbikëqyrjen e saj e ka Fondi Shqiptar i Zhvillimit, i cili ka dhënë edhe paratë për ndërtimin e Lungomares. Por sot askush nuk di të thotë se cili është përgjegjësi për këtë skandal. Firma që po bën punimet? Fondi Shqiptar i Zhvillimit i cili ka dhënë vetëm për gjelbërimin e saj 1 milion dollarë, Autoriteti Rrugor Shqiptar si përgjegjës për akset nacionale? Ligjërisht nëse projekti do të ndryshonte rrugës, duhej të merrte më parë miratimin në KKT.
Me anë të këtij vendimi, Këshilli Kombëtar i Territorit miratoi projektin belg dhe zbatimin nga studioja fituese. Zbatimin dhe mbikëqyrjen e saj e ka Fondi Shqiptar i Zhvillimit, i cili ka dhënë edhe paratë për ndërtimin e Lungomares. Por sot askush nuk di të thotë se cili është përgjegjësi për këtë skandal. Firma që po bën punimet? Fondi Shqiptar i Zhvillimit i cili ka dhënë vetëm për gjelbërimin e saj 1 milion dollarë, Autoriteti Rrugor Shqiptar si përgjegjës për akset nacionale? Ligjërisht nëse projekti do të ndryshonte rrugës, duhej të merrte më parë miratimin në KKT.