Blutë e Tiranës kanë vënë në pranga një 45-vjeçar pasi dhunonte barbarisht bashkëshorten e tij. Sipas të dhënave zyrtare, efektivët e Komisariatit numër 3 kanë arrestuar Vesel H., banues në Tiranë, pas kallëzimit të bashkëshortes së tij, 36-vjeçares M. H., se për motive të dobëta xhelozie ka ushtruar dhunë fizike dhe psikologjike, sistematikisht mbi të duke e kanosur seriozisht për jetën.
Policia mori informacion se ky shtetas mbante të fshehur në oborrin e banesës së tij, një armë zjarri e municione.
Nga kontrolli i ushtruar u gjet dhe u sekuestrua në cilësinë e provës materiale:
– Një armë zjarri automatike, model 56
– Një krehër me 20 fishekë
– 385 fishekë model 56
– 15 fishekë model 54.
Materialet i kaluan Prokurorisë pranë Gjykatës së Shkallës së Parë Tiranë, për veprat penale “Dhunë në familje” dhe “Prodhimi dhe mbajtja pa leje e armëve luftarake dhe e municionit.