Punonjësit e palikuiduar duhet të paguhen nga Bashkia e Tiranës dhe jo nga stadiumi
Bashkia e Tiranës, ka një tjetër problem të pazgjidhur prej kohësh me punonjësit e Klub Futboll “Tirana”, të cilët i ka në strukturë organike si punonjës administrimi e shërbimi në stadiumin “Selman Stërmasi”. Prej 10 muajsh, “ekipi” i punonjësve që mirëmbajnë këtë stadium nuk po paguhet. Bashkia nuk po u jep pagat mujore 18 punonjësve të kësaj qendre sportive, duke zvarritur shlyerjen që e ka detyrim. Çuditërisht, ata që nuk paguhen prej bashkisë janë vetëm këta punonjës, ndërkohë që gjithë punonjësit e tjerë, nga kryetari e deri tek pastruesja e fundit e natës, paguhen rregullisht për çdo muaj. Dje, si ditë e premte “e pritjes së popullit” caktuar nga kreu i bashkisë, së bashku me një nga punonjësit e stadiumit “Selman Stërmasi”, shkuam u interesuam në administratën e bashkisë së Tiranës, por nuk na dhanë asnjë përgjigje, duke thënë “nuk jemi ne, që merremi me këtë problem, i kemi sqaruar punonjësit”. Duhet sqaruar diçka: të 18 punonjësit që nuk po marrin pagat prej 10 muajsh, janë punonjës që nuk i ka detyrim t’i paguaj Futboll Klub “Tirana”, por bashkia Tiranë, mbasi ata nuk i shërbejnë klubit, por mirëmbajtjes së stadiumit, i cili është objekt në varësi e administrim të bashkisë dhe punonjësit, janë marrë në punë e janë strukturë e borderosë së bashkisë Tiranë. Punonjësit kanë bërë disa herë ankime për mos shlyerjen e pagave të 10 muajve, por nuk i dëgjon askush, madje prej afro 3 muajsh çështja është lënë në harresë të plotë prej bashkisë. Ata vazhdojnë punë dhe nuk paguhen, ndërkohë që bashkia e ka të përcaktuar fondin e pagave, të cilat nuk duhen trajtuar si lëmoshë, por si detyrim pune që kryhet e që njihet me ligj. Po publikojmë krejt listën e punonjësve të stadiumit “Selman Stërmasi” në Tiranë, të cilët nuk po paguhen prej 10 muajsh.
Krenar Alimehmeti – administrator
Altin Allmuça – Shef Finance
Valentina Vakaj – arkëtare
Iva Mera – zëdhënëse shtypi
Ema Zajmi – sekretare
Ilir Naçi – shef personeli
Lorin Burbi – jurist
Hamdi Zhegu – përgjegjës terreni
Andrea Heba – punëtor terreni
Xhemal Bulku – punëtor terreni
Astrit Kuçi – punëtor terreni
Hajdar karaj – punëtor terreni
Sajmir Stërmasi – punëtor terreni
Muza Abazi – punëtor terreni
Tomorr Dema – roje terreni
Xhaferr Hasani – roje terreni
Shpresa Reçi – pastruese
Mimoza Qyrra – pastruese
Përparim HALILI