Thirrja e rëndësishme e KQZ për partitë politike: E patolerueshme, keni vetëm 6 ditë për…

472
Komisioni Qendror i Zgjedhjeve iu bën një thirrje të rëndësishme partive politike, për sa i përket mbarëvajtjes së zgjedhjeve.
Me anë të një deklarate, zëdhënësja e KQZ-së Drilona Hoxhaj i kujtoi partive politike se kanë vetmë 6 ditë kohë për të dorëzuar emrat e komisionerëve në qendrat e votimit.

“Në 30 KZAZ s’janë sjellë propozime për komisionerë. Partitë politike të përmbushin detyrimet e tyre, na ndajnë vetëm 6 ditë nga zgjedhjet, kjo situatë është e pa tolerueshme”,- tha ajo.

DEKLARATA E PLOTE
Vijon të mbetet e patolerueshme situata e emërimeve të komisioneverëve të Qendrave të Votimit nga ana e KZAZ-ve, për shkak të mos dorëzimit të propozimeve nga ana e partive politike që, në zbatim të Kodit Zgjedhor kanë të drejtën të propozojnë anëtarë të KQV-ve.

Nga informacioni i përditësuar, rezulton se 30 KZAZ nuk kanë përmbyllur emërimet e anëtarëve të KQV-ve. Konkretisht si më posht:

1. Qarku Lezhë (4 KZAZ), KZAZ 12, 13,14,15 – Asnjë parti politike nuk ka dorëzuar propozimet.
2. Qarku Shkodër (4 KZAZ), KZAZ 2, 3 , 4, 5 – asnjë parti politike nuk ka dorëzuar propozimet.
3. Qarku Durrës (5 KZAZ), KZAZ 21, 22, 23, 24, 25 – I ka dorëzuar vetëm PS, ndërkohë LSI, PD dhe PR nuk kanë dorëzuar asnjë propozim.
4. Qarku Tiranë (7 KZAZ), KZAZ 31, 32, 33, 34, 36, 39, 40– nuk i ka dorëzuar PD dhe PR .
5. Qarku Elbasan (6 KZAZ)- KZAZ 46 nuk i ka dorëzuar PS, ndërsa KZAZ 47, 48, 49, 50 – nuk i ka dorëzuar PR dhe PD.
6. Qarku Fier (1 KZAZ), KZAZ 56, nuk i ka dorëzuar asnjë parti politike.
7. Qarku Korçë (1 KZAZ), KZAZ 67 – nuk i ka dorëzuar asnjë parti politike.
8. Qarku Gjirokastër (1 KZAZ), KZAZ 75– nuk i ka dorëzuar PD dhe PR.
Jemi vetëm 6 ditë nga data e zgjedhjeve, ndaj Komisioni Qendror i Zgjedhjeve i kërkon partive politike të dorëzojnë menjëherë propozimet për anëtarë të komisioneve të Qendra të Votimit pranë KZAZ përkatëse.
Sigal