Një ngjarje e rënsë ka ndodhur në hyrje të qytetit të Tepelenes, ku shtetasi Edmir Korçari ka tentuar të vrasë me thikë shtetasin O.D për motive të dobëta, por fatmirësisht i ka shkaktuar këtij të fundit vetëm plagë të lehta, dhe më pas është bërë i mundur arrestimi i tij nga policia.
Njoftimi i policisë:
Nga Specialistët e seksionit për Hetimin e Krimeve të Rënda në bashkëpunim me Specialistët
për Hetimin e Krimit në Komisariatin e Policisë Tepelenë u bë arrestimi në flagrancë i shtetasit:
– Edmir Korçari, 31 vjeç, banues në Fier.
Arrestimi i këtij shtetasi u bë pasi në hyrje të qytetit për motive të dobëta, ka debatuar e më pas ka tentuar të vrasë me thikë shtetasin O.D, 58 vjeç, banues në Fier, duke i shkaktuar plagë të lehta.
Në cilësinë e provës materiale u bë sekuestrimi i thikës si dhe 1700 lekë.
Materialet në ngarkim të këtij shtetasi i kaluan Prokurorisë pranë Gjykatës së Shkallës së Parë Gjirokastër për veprime të mëtejshme, për veprat penale të parashikuara nga nenet 76, 22 dhe 279 të Kodit Penal.
