Një person është arrestuar dhe një tjetër është shpallur në kërkim pas tentativës së një vrasjeje.
“Sot rreth ores 10:40 pas informacioneve te marra dhe veprimeve te shpejta policore eshte bere e mundur te parandalohet nje ngjarje e rende kriminale ndaj nje shtetasi,” shkruhet në njoftimin e policisë. 30-vjeçari F.G dhe 21-vjeçari Besmir Arrsi, të dy banues në Shkodër, kanë tentuar të vrasin me armë zjarri shtetasin, N.P. 21 vjeç.
Pas ngjarjes është bërë i mundur gjatë tentativës për t’ju larguar shërbimeve të policisë duke u kapur dhe arrestuar në flagrancë Besmir Arrsi, ndërsa bashkëpunëtori i tij është shpallur në kërkim.
Gjithashtu gjatë kontrollit të ushtruar në vendngjarje, u gjet dhe u sekuestrua ne cilësinë e provës materiale, 1 armë zjarri automatike dhe 1 krehër me 15 fishekë.
Konflikti mes shtetasve po hetohet dhe paraprakisht dyshohet se ka ardhur si pasojë e një konflikti për motive të dobëta. Materialet i kaluan Prokurorisë së Shkodrës për veprime të mëtejshme.
