Tentoi të vriste një anëtar të fisit Çapja, prokuroria rëndon akuzën për Hasanpapën

90
Ka ndryshuar akuza për Shkëlzen Hasanpapën, i cili akuzohet për vrasjen e mbetur në tentativë ndaj një pjesëtari të fisit Çapja.
Edhe pse më parë, prokuroria kishte ngritur akuzën ndaj tij për kanosje, ditën e sotme organi i akuzës ka vendosur që ta ndryshojë atë, duke e akuzuar për “Vrasje duke rrezikuar jetën e shumë personave”.
Hasanpapa dyshohet si vrasës me pagesë, i cili në vitin 2016 ka tentuar që të vrasë Florenc Çapjan dhe mikun e tij, Bledar Muça, ndërsa po lëviznin me automjet.
Edhe pse ai qëlloi me breshëri mbi makinë në të cilin po udhëtonin dy personat, nga atentati mbeti i plagosur vetëm Muça.
Po ashtu, në këtë atentat mbeti e plagosur edhe një oficere policie.