Studentët dhe pedagogët e Universitetit Bujqësor të Tiranës prej mëngjesit janë në protestë. Mes baltës dhe shiut ata janë grumbulluar pranë Fakultetit të Bujqësisë dhe Mjedisit dhe kërkojnë pezullimin e punimeve tek fidanishtja e këtij fakulteti.
Studentët prej disa orësh ndodhen në shi dhe shprehen të vendosur deri në fund se do të vijojnë protestën dhe siç e quajnë ata do të ndalin këtë absurditet.
Ndërsa pedagogët duke qenë më formal kanë zhvilluar dhe mbledhjen e Asamblesë, ku kanë vendosur që të bëhen një me studentët.
Mbledhja kishte tre pika: protestë, protestë marshim dhe përshkallëzim të protestës.
Në fund unanimisht ata kanë vendosur përshkallëzimin e protestës.
