Autoritetet shëndetësore të Hubei në Kinë kanë raportuar për 17 vdekje të tjera nga koronavirusi në nivelin krahinor, duke e çuar numrin e përgjithshëm në 41, kurse numri i të infektuarve ka shkuar në pothuajse 1.300 persona.
Alarmi i kuq është ngritur edhe në Europë.
Raste të infeksionit janë raportuar në 24 orët e fundit në Tajlandë dhe Hong Kong.
Pesë raste të tjera janë regjistruar në SHBA aq sa dhe në Australi, Tajvan dhe Macao; katër në Japoni, Singapor dhe Malajzi; tre në Francë dhe Korenë e Jugut, dy në Vietnam, një në Kanada dhe Nepal.
Në Europë, pas tre rasteve në Francë edhe Gjermania ka njoftuar për një rast të infektuar me virusin e ri në juglindje të Bavarisë.
Berlini gjithashtu po konsideron mundësinë e një “evakuimi të mundshëm” të qytetarëve të tij nga qyteti kinez Wuhan, epiqendra e virusit.
Lajmi se virusi mund të transmetohet edhe nga njerëz të cilët, megjithëse tashmë e kanë infeksionin, nuk tregojnë simptoma, ka shtuar edhe më shumë frikën.