Reshjet e dendura të shiut të rena gjatë natës dhe në vijim të paradites së sotme thuajse në gjithë territorin e vendit kanë sjellë vështirësi në qarkullimin e automjeteve.
ARRSH njofton se të gjitha akset janë të kalueshme normalisht, por për shkak të reshjeve janë konstatuar rënie gurësh në disa prej akseve.
“Kompanitë e mirëmbajtjes kanë qenë në monitorim të situatës përgjatë gjithë natës për të pasur gjendjen e akseve nën kontroll dhe duke pastruar rënien e lehtë të gurëve në disa segmente rrugore”- njofton ARRSH, duke tërhequr vëmendjen e drejtuesve të mjeteve.
“Rekomandohen përdoruesit e rrugës të bëjnë kujdes në lëvizje dhe të respektojnë sinjalistikën rrugore, të reduktojnë shpejtësinë për shkak të lagështisë në rrugë”- thekson ARRSH.