Kryeministri Edi Rama deklaron se përmes Programit Kombëtar të Rilindjes Urbane për transformimin rrënjësor të qyteteve të Shqipërisë për më shumë hapësira publike në shërbim të qytetarëve, bulevardi i qytetit te Fierit është trasformuar rrënjësisht. Kryeministri Edi Rama nëpërmjet një postimi në rrjetin social Facebook paraditen e të premtes shprehet: “Bulevardi i transformuar i Fierit, ku përmes Programit Kombëtar të Rilindjes Urbane është krijuar një hapësirë publike tërësisht e re për këmbësorët dhe biçikletat, janë restauruar të gjitha godinat ekzistuese, si dhe është rritur ndjeshëm vlera e apartamenteve dhe njësive tregtare”. Kryeministri Rama çdo ditë sjell në vëmendje trasformimin që po marrin qytetet e vendit në kuadër të Programit Kombëtar të Rilindjes Urbane, ku sot vjen qyteti i Fierit edhe nëpërmjet imazheve të postuara në statusin e tij.