Ndihmoi për çlirimin e Kosovës, por patriotizmi për 60 vjecarin nga Ferizaj nuk mbaron këtu, pasi u ka ardhur në ndihmë dhjetëra familjeve lezhiane duke punësuar njerëz në nevojë, këshilli i qarkut Lezhë e ka vleresuar duke e nderuar me titullin “Qytetar Nderi”.
Lezha ka nderuar veteranin e luftës së kosovës Gegë DEDAJ, për kontributin e dhënë dhe humanizmin e shfaqur pas luftës, i shtrirë edhe në Shqipëri. Patrioti kosovar që jeton në Zvicër e ka cilësuar detyrim moral kontributin për zhvillimin e Shqipërisë, dhe konkretisht të rajonit të Lezhës. Ndonëse veterani kosovar, jeton në Zvicër, është përpjekur t’ua përmirësojë jetesën bashkkombasve të tij, duke i punësuar në kompanitë që ai menaxhon.
