Të gjitha vendet demokratike zgjedhin një qeveri apo grup njerëzish që t’i drejtojnë, por jo t’i rrënojnë më shumë se janë. Të gjitha bizneset duhet të paguajnë taksat, sepse vetëm kështu një shoqëri mund të ecë përpara, por këto taksa duhet jenë në proporcion të drejtë më fitimet që ata kanë. Bashkia e qytetit të Elbasanit është fare e pakënaqur me bizneset në territorin e saj, ndaj u ka dhënë atyre një ultimatum të fundit. Me vendim të kryebashkiakut Qazim Sejdini, kjo bashki ka njoftuar të gjithë bizneset që ende nuk kanë paguar taksat dhe tarifat vendore, se duhet t’i shlyejnë detyrimet brenda datës 31 korrik 2017. Bashkia ka kërcënuar pronaret e bizneseve, se në të kundërt bashkia ka paralajmëruar se do të ndërmerren masa shtrënguese deri në bllokimin e llogarive bankare dhe sekuestrimin e pasurisë. (Tiranatoday)
Ja njoftimi i bashkisë Elbasan:
Të nderuar tatimpagues!
Bashkia Elbasan, në zbatim të ligjit nr.139/2015, datë 17.12.2015 “Për Vetëqeverisjen Vendore”, ligjit nr.9920, datë 19.05.2008 “Për Procedurat Tatimore në Republikën e Shqipërisë”, i ndryshuar, ligjit 9632, datë 30.10.2006 “Për sistemin e taksave e tarifave vendore”, i ndryshuar, si dhe Vendimit të Këshillit Bashkiak nr.129, datë 20.11.2017 “Për miratimin e taksave dhe tarifave vendore në Bashkinë Elbasan për vitin 2018”, Ju njofton se afati i fundit për pagesën e taksave dhe tarifave vendore është data 31.07.2018. Pas kalimit të këtij afati do të aplikohen masat shtrënguese të parashikuara në kreun XI të ligjit nr. 9920, datë 19.05.2008 “Për Procedurat Tatimore në Republikën e Shqipërisë”, i ndryshuar:
Urdhër bllokimi i llogarive bankare;
Sigurimi i detyrimit tatimor, nëpërmjet barrës hipotekore dhe barrës siguruese;
Sekuestrimi i pasurisë së siguruar;
Shitja e pasurisë së sekuestruar;
Për çdo paqartësi, lutemi të drejtoheni pranë zyrave të Drejtorisë së Tatimeve Tarifave Vendore dhe Mbledhjes së të Ardhurave.
Ju faleminderit!
