Puna ulur përshpejton procesin e plakjes

49
Gratë që kalojnë shumë kohë ulur përshpejtojnë procesin e plakjes, kanë zbuluar ekspertët. Qëndrimi ulur për më shumë se 10 orë në ditë ndryshon “moshën biologjike” të grave, duke i bërë të duken 8 vjet më të vjetra seç janë.
Hulumtuesit shkencorë, të cilët monitoruan mënyrën e jetesës të më shumë se 1400 grave mbi moshën 64 vjeç, zbuluan një lidhje të fortë mes mënyrës së jetesës sedentare dhe plakjes së parakohshme të qelizave në trup.
Ky proces mendohet se rrit rrezikun për zhvillimin e kancerit, diabetit dhe sëmundjeve të zemrës. Vetëm gjysmë ore stërvitje – si ecje e lehtë – është e mjaftueshme që të shmangni këtë rrezik.
Por shumë pak njerëz e bëjnë këtë. Ekspertët thonë se këto rezultate duhet të shërbejnë si thirrje për njerëzit që kalojnë shumë orë pa lëvizur fare. Këtu përfshihen njerëzit që punojnë nëpër zyra, pilotët apo drejtuesit e taksive.
Ekspertët rekomandojnë që të rriturit duhet të shpenzojnë të paktën 150 minuta në javë – 2 orë e gjysmë- duke bërë stërvitje, aerobi, të merren me ndonjë sport etj.