Përplasi për vdekje qytetarin dhe u largua, policia e Tiranës ndalon të riun nga Arabia

593
Sigal

Policia ka vënë në pranga një shtetas më origjinë arabe, si personin përgjegjës për aksidentin me pasojë vdekjen të një qytetari, mbrëmjen e djeshme në autostradën Tiranë- Durrës.

Incidenti i rëndë ndodhi dje rreth orës 21:00 të mbrëmjes e për pasojë një person vdiq. Policia ende nuk ka bërë të mundur identifikimin e të ndjerit, teksa këtë të premte ka vënë në pranga një 24 vjeçar me origjinë arabe. I riu dyshohet se është personi që ka shtypur për vdekje qytetarin.

“Më datë 06.07.2018, u referuan materialet pranë Prokurorisë së Rrethit Gjyqësor Tiranë në ngarkim të shtetasit të huaj arab A.A., 24 vjeç, pasi rreth orës 21:00, në autostradën Tiranë – Durrës ka aksidentuar me pasojë për jetën një person të gjinisë mashkull të paidentifikuar. Nenet 273 dhe 290/3 të Kodit Penal,” njofton policia.