Parashikimi i motit/ Na pret një fundjavë e ngrohtë

138

Jemi pranë fundit të një pranvere të pasur me shira, por lajmet për motin, më në fund janë të mira. Shqipëria dominohet nga kthjellimet, përveç zonave veriore ku priten vranësira dhe shira të përkohshëm.

Po ashtu, dita e enjte dhe e premtja, sjellin pas mesditës shira afatshkurtër në pjesën më të madhe të vendit, por mundësia për shira në zonat bregdetare është shumë e ulët. Për më tepër, fundjava parashikohet të sjellë kryesisht mot të kthjellët dhe të ngrohtë. Pritet rritje e temperaturave kryesisht në orët e mesditës, duke shënuar maksimume deri 24°C në zonat malore në qytetin e Kukësit, por mbi 27°C në disa qytete të ultësirës Perëndimore, si Shkodra, Lezha, Tirana, Elbasani, Berati, etj.