Disa zona të kryeqytetit do të kenë ndërprerje të energjisë elektrike, për shkak të punimeve që po kryen për mirëmbajtjen e rrjetit. Operatori i Shpërndarjes së Energjisë Elektrike (OSHEE) njofton se në datat 17-18 shtator do të ndërpritet energjia elektrike në nënstacionin “Traktori” në Tiranë, për shkak të punimeve për mirëmbajtjen e rrjetit.
Zonat ku do ndërpritet energjia
Sot, në datën 17 shtator, në intervalin kohor 09:00-13:00, nuk do të kenë energji disa zona në Tiranë:
Rruga “Mihal Grameno”, rruga “Sali Nivica”, zona afër Poligrafikut, rruga “Sitki Çiço”, zona tek “Kodra e Priftit” dhe subjekti privat “Sina”.
Ndërsa nesër, në datën 18 shtator, në orarin 09:00-13:00 nuk do të ketë energji elektrike në këto zona në Tiranë:
Rruga “Todi Shkurti”, pranë zonës “Depo e ujit”, antenat televizive në Dajt, vilat qeveritare në Dajt , pranë ish-Sanatoriumit dhe te “Qyteti Studenti”.
