Një tjetër qytetar kërkon drejtësinë përmes një akti ekstrem siç është vetëflijimi duke u hedhur nga lartësia. Pas rastit të Fierit, ku një punëtor që kishte 4 muaj pa marrë rrogën kërkoi t’i jepte fund jetës duke u hedhur nga lartësia e rafinerisë së Fierit, një tjetër rast regjistrohet në kryeqytet.
Gazetari Mariglen Mërtiri raporton për “Balkanweb” se shtetasja Enkelejda Ahmetaj prej 30 minutash qëndron në tarracën e një pallati tek “Tirana e Re” për shkak të një konflikti me ndërtuesit e pallatit.
Mësohet se Ahmetaj është vajza e pronarit të truallit ku po ndërtohet pallati. Ajo thotë se ka probleme me kontratën.
