Nis Kuvendi parlamentar, PD kërkon 30 minuta shtyrje për një mbledhje të Grupit

418
Sigal

Grupi parlamentar i PD-së ka kërkuar sot shtyrjen me 30 minute, të nisjes së seancës parlamentare, nga kryetari i Kuvendit, Gramoz Ruçi. Seanca duhej të niste në orën 10:00. Kërkesa u bë nga deputeti Enkelejd Alibeaj, i cili ia paraqiti Ruçit.

Alibeaj: Kemi nevojë të bëjmë një mbledhje grupi në fillim të rendit të ditës.

Ruçi: Pse, për ç’arsye?

Alibeaj: S’mund ta themi ne objektin e mbledhjes së Grupit!

Ruçi: ju lutem, seanca sa ka filluar, rendi i ditës është i njohur.

Alibeaj: Unë po bëj një kërkesë. Sigurisht është i njohur, nuk ka lidhje me rendin e ditës. Ne kemi nevojë të bëjmë gjysëm orë pushim, për mbledhje grupi, për të përcaktuar edhe çështje që kanë lidhje me rendin e ditës, për mbarëvajtjen e saj.