Në një vit Prokuroria ka përgjuar afro 4 mijë shqiptarë

49
Prokuroria e Përgjithshme ka bërë publik numrin e personave që janë përgjuar gjatë vitit 2016. Ky institucion sqaron se 3943 persona janë përgjuar në territorin shqiptar gjatë komunikimeve të tyre telefonike, kompjuterike dhe në ato të platformave Whats app, Viber dhe Facebook.
Këta shtetas kanë qenë të dyshuar dhe disa prej tyre vazhdojnë ende të përgjohen për llogari të 676 procedimeve penale që ndiqen nga organi akuzës.
Nga të dhënat e prokurorisë rezulton se kryeprokurori Llalla ka firmosur afro 6 urdhra përgjimesh përgjatë 365 ditëve të vitit 2016, me një total prej 2283 vendime të marra pasi janë kërkuar nga prokurorët apo janë vendosur nga gjykatat kompetente.
Krahasuar me vitin 2015 ka një shtim vendimesh për përgjime me 338 të tilla ndërsa si numër personash përgjatë vitit 2016 janë 156 shtetas më pak të përgjuar.
Pjesën dërrmuese të përgjimeve e zënë veprat penale të trafikut të drogës, korrupsionit si dhe ato të pastrimit të parave, por dhe terrorizmi që u ndal në kohë që mund të ndodhte në stadiumin e Shkodrës ku do të luhej ndjeshja Shqipëri-Izrael e vlefshme për botërorin Rusi 2018.