Banorët e Thethit kanë dalë në protestë ditën e sotme për zhbllokimin e rrugës nga dëbora.
Ata po protestojnë përpara Bashkisë së Shkodrës pasi sipas tyre nuk është marrë asnjë masë për zhbllokimin e rrugës.
“Që më 4 janar rruga është e bllokuar. Deri tani nuk është marrë asnjë masë. Rrugët e bllokuara kanë dëmtuar dhe bizneset pasi nuk kanë pasur punë fare,” thonë ata.
Banorët e Thethit dorëzuan edhe një kërkesë zyrtare në Bashki, ku kërkonin hapjen e 7 km rrugë.
