Inspektorati i Lartë i Deklarimit dhe Kontrollit të Pasurive dhe Konfliktit të Interesave ka gjobitur 17 zyrtarë për mosdeklarimin e pasurisë.
Vendimi është marrë në bazë të ligjit nr. 9049, datë 10.04.2003 “Për deklarimin dhe kontrollin e pasurive, të detyrimeve financiare të të zgjedhurve dhe të disa nëpunësve publikë” i ndryshuar, dhe ligjit nr. 9367, datë 07.04.2005 “Për parandalimin e konfliktit të interesave në ushtrimin e funksioneve publike” i ndryshuar.
ILDKPI vendosi masa administrative “gjobë”, deri në shumën 500 000 (pesëqind mijë) lekë, për subjektet e mëposhtëm:
Izmir Abdija, për funksionin Inspektor, Drejtoria Rajonale Tatimore,Tiranë
Bajazit Karriqi, për funksionin Kryetar Bashkie, Prrenjas
Myfit Duriçi, për funksionin Kryetar Bashkie, Bulqizë
Rrok Nika, për funksionin Drejtor, Drejtoria Përgjithshme e Doganave, Tiranë
Rexhep Hysaj, për funksionin Inspektor, Drejtoria Rajonale Tatimore, Shkodër
Alfred Qafa, për funksionin Kryetar Bashkie, Fushë Arrëz
Ilir Krosi, për funksionin Kryetar Bashkie, Peshkopi
Agim Repishti, për funksionin Inspektor, Drejtoria Rajonale Tatimore, Tiranë
Arben Meshi, për funksionin Drejtor, Dogane, Morinë
Krenar Canollari, për funksionin Kryetar, Njësia Bashkiake Nr.6, Tiranë
Mark Miri, për funksionin Inspektor, Drejtoria Rajonale Tatimore, Lezhë
Petrit Sulaj, për funksionin Drejtor, Autoriteti i Aviacionit Civil, Tiranë
Klevis Limaj, për funksionin Drejtor, Autoriteti i Medias Audiovizive
Fatbardha Majushi, për funksionin Inspektor, Drejtoria Rajonale Tatimore, Fier
Gjinovefa Llanaj, për funksionin Drejtor, Spitali Psikiatrik Vlorë
Shkelqim Musaraj, për funksionin Inspektor, Drejtoria Rajonale Tatimore, Fier
Ilirjan Nazeraj, për funksionin Inspektor, Drejtoria Rajonale Tatimore, Fier
Inspektorati i Lartë i Deklarimit dhe Kontrollit të Pasurive dhe Konfliktit të Interesave ka njoftuar dhe institucionet eprore për marrjen e menjëhershme të masave disiplinore për subjektet në varësi të tyre.