MIRDITE– Pas protestave të ditës së djeshme mësohet se banorët e Qafë Mollës kanë vazhduar bllokimin e punimeve që kompania turke po kryen në HEC-in e kësaj zone. Ata kanë hyrë në kantier duke mos lejuar punëtorët të vazhdojnë aktivitetin normalisht. Banorët shprehen se kanë dalë në protestë pasi u janë prishur të gjitha burimet ujore dhe pyllëzimi pranë banesave. Gjithashtu një nga arsyet e forta të bllokimit nga ana e tyre të këtij HEC-i është dhe pretendimi se nuk janë dëmshpërblyer për pronat e tyre.
