Ministri në detyrë i Jashtëm i Shqipërisë, Gent Cakaj ka shkarkuar biznesmenin Rrahim Pacolli nga pozita e konsullit të nderit të Republikës së Shqipërisë në Kosovë.
Ai ka mbajtur me vite këtë pozitë të rëndësishme nderi. Nuk dihen arsyet që e kanë shtyrë Republikën e Shqipërisë, që të përfaqësoheshin në Kosovë, nëpërmjet Rrahim Pacollit.
Ai me këtë post ka përfituar targa diplomatike të Shqipërisë. Ka pasur mundësinë që të kalojë kufirin, pa u kontrolluar nga autoritetet shtetërore të Kosovës dhe Shqipërisë.
