Meteorologët tregojnë çfarë ndodh me motin nisur nga sot pasdite

588
Reshjet e shiut ishin prezente deri në orët e mëngjesit të ditës së sotme dhe sipas Shërbimit Meteorologjik Ushtarak, sasia më e lartë e reshjeve gjatë natës është regjistruar në Sarandë me 66.0 mm, Vlorë me 38.0mm, Berat me 23.0mm e pjesa tjetër më pak se kjo sasi.
Sigal

Në zonat malore në Veri-Verilindje dhe Juglindje në lartësin mbi 900 metra reshjet ishin në formën e dëborës.

Por sipas SHMU, kjo situatë e rënduar meteorologjike tashmë ka kaluar duke i lenë vendin masave ajrore të qendrueshme për pjesën tjetër të ditës.

Moti do të jetë me kthjellime dhe vranësira të pakta.

Për ditën e Dielë moti do të jetë kryesisht i kthjellët e vranasëira të pakta kalimtare keto kryesisht përgjatë relieveve malore. Era do të jetë nga kuadrati i Jugut me shpejtësi deri në 8m/sek.

Në fushën termike pritet një rënie në vlerat minimale më konkretisht:

zonat malore 0ºC deri në 12ºC
zonat e ulëta 5ºC deri në 18ºC
zonat bregdetare 6ºC deri në 18ºC